ფარმაკოლოგიური ჯგუფი: დამამშვიდებელი საშუალება

წამლის ფორმა: სიროფი
შემადგენლობა 130გ-ზე: აქტიური სუბსტანციები: კატაბალახას Mმშრალი ექსტრაქტი – 1,03 გ; ბარამბოს მშრალი ექსტრაქტი 0,4გ; პიტნის ნაყენი – 3,25 მლ; პიტნის ზეთი – 0,0052 მლ.

დამხმარე სუბსტანციები: სორბინის მჟავა ან მეთილპარაბენი, 96% ეთილის სპირტი, შაქრის სიროფი.
,,ნეოსედი’’ შეიცავს ბიოლოგიურად აქტიურ ნივთიერებათა კომპლექსს: ეთერზეთებს (მენთოლი, ბორნეოლი, ბორნეოლიზოვალერიანატი, იზოვალერიანის მჟავა), ფლავონოიდებს, ტრიტერ¬პენულ საპონი¬ნებს, ვალეპოტრიატებს.
კატაბალახას ექსტრაქტი ამცირებს ცენტრალური ნერვული სისტემის აგზნებადობას, იწვევს გლუვი კუნთების მოდუნებას, აძლიერებს საძილე პრეპარატების მოქმედებას.
ბარამბოს ექსტრაქტს ახასიათებს სპაზმოლიზური, დამამშვიდებელი, ტკივილგამაყუჩებელი მოქმედება. იგი აუმჯობესებს მადას, აძლიერებს კუჭის წვენის სეკრეციას.
პიტნის ზეთს გააჩნია სპაზმოლიზური, ნაღვლმდენი მოქმედება, აწესრიგებს კუჭ-ნაწლავის ტრაქტის მუშაობას.
ფარმაკოლოგიური მოქმედება:  ნეოსედის სიროფს ახასიათებს სედაციური, სპაზმოლიზური და ტკი-ვილგამაყუ¬ჩებელი მოქმედება. აძლიერებს შეკავების პროცესებს თავის ტვინის კორტიკალური და სუბკორტიკალური სტრუქტურების ნეირონებში, ამცირებს რეფლექტორულ აგზნებადობას ნერვული სისტემის ცენტრალურ ნაწილებში, ახანგრძლივებს საძილე პრეპარატების მოქმედებას, რეფლექსურად აფართოვებს თავის ტვინის სისხლძარღვებს, ხსნის შინაგანი ორგანოების გლუვი კუნთების სპაზმს, აძლიერებს ნაღვლის გამოყოფას, პერის¬ტალტიკას, საჭმლის მომნელებელი ჯირკვლების სეკრეციას, აქვს სუსტი ანტისეპტიკური ეფექტი.
ბარამბოს ექსტრაქტს ახასიათებს სპაზმოლიზური, დამამშვიდებელი, ტკივილგამაყუჩებელი მოქმედება. იგი აუმჯობესებს მადას, აძლიერებს კუჭის წვენის სეკრეციას.
ჩვენება: გამოიყენება კომპლექსურ თერაპიაში, როგორც დამხმარე საშუალება.
•    სხვადასხვა ფორმის ნევროზი, ისტერია, ნევრასთენია; 
•    აგზნებულობა, შიში, დაძაბულობა;
•    ხელს უწყობს ბუნებრივი ძილის დადგომას;
•    შაკიკის მსგავსი თავის ტკივილი;
•    ნეიროგენული არითმია;
•    ღვიძლის და სანაღვლე გზების დაავადებები;
•    კუჭ-ნაწლავის სეკრეტორული ფუნქციის დარღვევა;
•    მეტეორიზმი, გულისრევა.

უკუჩვენება: 
•    შაქრიანი დიაბეტი.
•    მომატებული მგრძნობელობა პრეპარატის შემადგენლობაში შემავალი კომპონენტების მიმართ.
•    3 წლამდე ასაკის ბავშვები.

გვერდითი მოვლენები: პრეპარატის დიდი დოზებით ხანგრძლივად მიღებამ შეიძლება გამოიწვიოს ძილიანობა.
მიღების წესი და დოზირება: მიიღება პერორალურად.
ბავშვებში 3-დან 7 წლამდე: 2,5მლ სიროფი(1/2 ჩაის კოვზი) 2_ჯერ დღეში ჭამის დროს, 
ბავშვებში 7-დან 11 წლამდე: 5მლ სიროფი(1 ჩაის კოვზი) 2-ჯერ დღეში ჭამის შემდეგ.
ბავშვებში 11-დან 14 წლამდე: 10მლ სიროფი(1დესერტის კოვზი) 2-ჯერ დღეში ჭამის შემდეგ
მოზრდილებში და ბავშვებში 15 წლიდან: 15მლ სიროფი(1 სუფრის კოვზი) 3–ჯერ დღეში ჭამის შემდეგ
მკურნალობის კურსის ხანგრძლივობა დგინდება ინდივიდუალურად ექიმის მიერ.
დოზის გამოტოვება: დოზის გამოტოვების შემთხვევაში არ შეიძლება გაორმაგებული დოზის მიღება. შემდგომი დოზის მიღება უნდა მოხდეს რაც შეიძლება მალე ან პირვანდელი სქემის მიხედვით.
დოზის გადაჭარბება: დიდი დოზებით ხანგრძლივად მიღებამ შესაძლებელია გამოიწვიოს ფსიქომოტორული რეაქციების სიჩქარის შემცირება.

ორსულობა და ლაქტაციის პერიოდი: პრეპარატის გამოყენება ორსულობისა და ლაქტაციის პერიოდში შესაძლებელია ექიმის დანიშნულებით.
ზემოქმედება ავტოტრანსპორტისა და მექანიზმების მართვის უნარზე: პრეპარატის მიღების შემთხვევაში სიფრთხილის დაცვაა საჭირო ავტოტრანსპორტისა და მექანიზმების მართვის დროს, რადგან გავლენას ახდენს ყურადღების კონცენტრირებისა და სწრაფი რეაგირების უნარზე.
სიფრთხილე: პრეპარატი სიფრთხილით ინიშნება შაქრიანი დიაბეტის მქონე პაციენტებში, ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან: დასაშვებია სხვა სედაციურ საშუალებებთან ერთად გამოყენება, აძლიერებს საძილე და ცნს-ის დამთრგუნველი პრეპარატების მოქმედებას. 
განსაკუთრებული მითითებები: პრეპარატის ხანგრძლივად დიდი დოზებით მიღებისას შესაძლებელია ფსიქომოტორული რეაქციების სიჩქარის შემცირება. ამ შემთხვევაში სიფრთხილის დაცვაა საჭირო ავტოტრანსპორტის მართვისას და ისეთ მექანიზმებთან მუშაობისას, რომლებიც მოითხოვს ყურადღების კონცენტრირებას. 
გამოშვების ფორმა:  

პირველადი შეფუთვა: 130გ სიროფი მუქი ნარინჯისფერი მინის ან პოლიმერული მასალის ფლაკონში. 
მეორეული შეფუთვა: ერთი ფლაკონი მოთავსებულია მუყაოს კოლოფში ინსტრუქციასთან ერთად.
ვარგისობის ვადა: 3 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.

შენახვა: ინახება 15-25˚ჩ ტემპერატურის პირობებში, სინათლისაგან დაცულ და ბავშვებისთვის მიუწვდომელ ადგილზე.
გაცემის წესი: ფარმაცევტული პროდუქტის ჯგუფი III – გაიცემა რეცეპტის გარეშე.  
მწარმოებელი: შ.პ.ს ,,ნეოფარმი’’.
საქართველო. თბილისი. დ. აღმაშენებლის ხეივანი მე-12 კმ;
ტელ/ფაქსი: + 995 (32) 259-64-46; 259-57-90;